Xiaomi nuk është zyrtarisht prezent në tregjet e disa shtetve, duke përfshirë këtu dhe SHBA. Megjithatë, kjo nuk ju ndalonte ju që të importonit një pajisje dhe ta përdorni në SHBA. Smartphone-t Xiaomi ishin në gjendje të punojnë në mënyrë perfekte në çdo cep të botës, mirëpo kjo gjë me sa duket po ndryshon.
Dhe pse politikat e eksportit të Xiaomi ndalojnë shitjen e smartphone-ve në disa shtete, kompania nuk e kishte parandaluar aktivizimin e pajisjeve në këto territore.
Problemi qëndron se gjatë muajve të fundit Xiaomi ka nisur vënien në përdorim të këtyre politikave, duke bllokuar të gjitha pajisjet e aktivizuara në Kubë, Iran, Siri, Korenë e Veriut, Sudan dhe Krime.
For the past few weeks, Xiaomi has been proactively blocking users from provisioning their phones if they live in Cuba, Iran, Syria, North Korea, Sudan, or Crimea, in order to comply with export regulations and stop resellers. https://t.co/51AdXIMgnW
— Mishaal Rahman (@MishaalRahman) September 9, 2021
Personave që janë prekur nga ky bllokim iu është shfaqur mesazhi: “Politikat e Xiaomi nuk lejojnë shitjen e produkteve në territorin ku ju keni provuar ta aktivizoni atë. Ju lutemi kontaktoni me shitësit direkt për informacione ekstra.”
Më interesant është fakti se smartphone-t që kanë të instaluar një software jo-zyrtar nuk janë prekur nga kjo lëvizje e Xiaomi.
Në Terms of Service të kompanisë përmendet shumë qartë se blerësit e kanë të ndaluar të eksportojnë smartphone-in në regjione të caktuara. Megjithatë aty nuk përmendet se një formë penalizimi për thyerjen e këtij rregulli është bllokimi i pajisjes.
