February 18, 2020

Banner xmass fit 728x90

Një studim dyshues pohon se iPhone 11 Pro lëshon radiacion dy herë më të lartë se norma

Vlerëso këtë lajm
(0 votes)
Një studim dyshues pohon se iPhone 11 Pro lëshon radiacion dy herë më të lartë se norma

Studimi i ri i realizuar nga Penumbra Brands po krijon shqetësim tek përdoruesit e iPhone 11 Pro të cilët, sipas kompanisë, duhet të gjejnë një zgjidhje për të ulur radiacionin e lartë.

Para se të flasim për zgjidhjen, po ju informojmë se ky raport (aspak serioz) ka testuar vendosjen e smartphone 5mm larg veshit dhe më pas ka testuar radiacionin e lëshuar, i cili është dy herë më i lartë se norma e lejuar dhe është akoma më i lartë kur ai është në xhep.

"Përdoruesit e smartphone-ve duhet të jenë të vetëdijshëm për radiacionin e lëshuar nga paisja që përdorin. Testimi ynë konfirmon se iPhone 11 Pro ju ekspozon ndaj një radiacioni dy herë më të lartë se norma e lejuar"

Kështu është shprehur Ryan McCaughey, përfaqësues i Penumbra Brands, duke shoqëruar deklaratën me një grafik.

 iphone-radiation.png

Dhe këtu lindin dyshimet!
Sipas grafikave, nëse iPhone 11 Pro përdoret me një Gadget Guard case, rrezatimi i tij është dy herë më i ulët dhe kështu ju jeni më të mbrojtur.
Por cili është prodhuesi i këtyre case? Askush më shumë se Penumbra Brands!

Qartësisht ky studim ka një mangësi të madhe pasi reklamimi i produkteve duket qartë që bëhet në një formë jokorrekte.

Rasti i Penumbra Brands nuk është i pari, disa vite më parë një i ngjashëm pohonte të njëjtën gjë për iPhone 7 të cilët jo vetëm që arritën të fitojnë çështjen në gjyq, por edhe bënë publike rrezatimet e iPhone 7, iPhone 8 dhe iPhone X. Ato ishin dy herë më të ulta se norma.

Geek Room e sheh këtë studim aspak serioz, sidomos kur akuza është kaq e fortë për një kompani e cila ka parësore besimin e konsumatorit. Ne nuk do ta merrnim parasysh, megjithatë ju takon ju të vendosni.

---

E keni parë review e Geek Room për iPhone 11? (mos harro të bësh Subscribe)

Wednesday, 05 February 2020 21:44 Last modified on Wednesday, 05 February 2020 21:52

Geek Room on Instagram