August 06, 2021

Huawei prezanton HarmonyOS dhe jep disa pamje nga seria P50

Huawei prezanton HarmonyOS dhe jep disa pamje nga seria P50

Huawei ka deklaruar se sistemi më i ri operativ HarmonyOS do të vijë në smartphone-t Huawei në një update të ardhshëm. CEO Richard Yu tha se kompania do të update-ojë rreth 100 modele të pajisjeve nga kjo kompani në OS e ri, duke përfshirë dhe tabletët MatePad Pro.

Fillimisht HarmonyOS do të vijë në serinë e modeleve flagship si Mate 40, P40 dhe Mate 30, dhe pas një viti do të jetë e aksesueshme dhe në pajisjet tjera. Kompania tregon se smartphone-t e vjetër si Mate 9, Mate 10, P20 dhe P10 do të marrin këtë update në gjysmën e parë të vitit të ardhshëm.

Sipas Huawei, Harmony OS do të ofrojë një lidhje më të besueshme midis pajisjeve të ndryshme, duke përfshirë lidhjen e shpejtë dhe të thjeshtë me kufjet wireless dhe speakers përmes një drag-and-drop interface. Bashkë me smartphonet dhe tabletët MatePads, do të jetë dhe Huawei Watch 3 që do të përfitojë nga ky OS.

Edhe pse ky sistem operativ është “tërësisht i ri”, raportime të ndryshme tregojnë se HarmonyOS përdor shumë kode nga versioni open-source i Android, të cilin po e zëvëndëson.

kgjjd.jpg

Gjatë prezantimit të HarmonyOS, kompania shfaqi dhe pamjet e para të serisë P50 që do të vijnë së shpejti. U publikuan shumë pak specifika rreth tyre, ndërkohë që çmimi dhe data e publikimit nuk u përmendën fare.

Ajo që mund të shihet mjaft qartë janë 4 kamerat në pjesën e pasme, të cilat si zakonisht janë krijuar në bashkëpunim me Leica. Huawei pretendon se do të “ngrejë teknologjinë e kamerave në smartphone në një nivel tjetër”. Richard Yu tha gjatë prezantimit se P50 do të ketë një dizajn mjaft të lehtë dhe ikonik.

huaweip50lens.jpg

Wednesday, 02 June 2021 22:18 Last modified on Thursday, 03 June 2021 11:07

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo