Përmes një deklarate për shtyp, TrendForce ka treguar se në serinë e iPhone 15 do të jenë të pranishëm 4 modele të reja, dhe vetëm 2 prej tyre do të pajisen me proçesorin e ri, në të njejtën mënyrë si në iPhone 14.
TrendForce parashikon gjithashtu se modelet 15 Pro do të kenë 8GB RAM për të shoqëruar proçesorin A17, krahasuar me 6GB RAM që iPhone 14 Pro kanë. Gjithashtu këtë vitit pritet të bëhet tranzicioni i portës Lightning në USB-C, pasi Bashkimi Evropian komunikoi se të gjithë prodhuesit e smartphone-ve do të jenë të detyruar të përfshijnë USB-C në pajisjet që shesin.
Raportime të tjera janë konfirmuar nga TrendForce të cilat tregojnë se iPhone 15 Pro Max pritet të ketë një lente Telephoto me funksion periskop, që do të lejojë zmadhim deri në 10x ose më tepër, krahasuar me limitin aktual prej 3x. Modelet Pro do të kenë një lente kryesore të përmirësuar me një dizajn “8P”, që do të jetë një element optik ekstra për performancë të shtuar të kameras.
TrendForce shton se iPhone 15 do të pajiset si normalisht me modemët 5G nga Qualcomm, pasi Apple nuk është e kënaqur me performancën e modemëve të krijuar vetë. Ky modem pritet të prezantohet zyrtarisht në vitin 2024.
Normalisht dhe seria e re e iPhone-ve pritet të prezantohet në shtator të 2024.
