Gjenerata e re e iPhone-ve Pro pritet të përfshijnë porta USB-C që mbështesin teknologjinë USB 3.2 ose Thunderbolt 3, sipas analistit Ming-Chi Kuo, gjë që do t’i sjellë pajisjes një avantazh të lartë në shpejtësinë e transferimit të të dhënave, në krahasim me portën aktuale.
Teorikisht Thunderbolt 3 ofron bandwidth deri në 40Gbps, ndërkohë që porta Lightning mbështet teknologjinë USB 2.0 dhe ofron shpejtësi transferimi deri në 480Mbps në iPhone-t ekzisutes. Dhe me limitimet e performancës në përdorimin real, një iPhone 15 Pro me një portë Thunderbolt do të ofronte shpejtësi shumë më të mëdha transferimi të dhënash në iPhone, sidomos në rastin e fotografive 48MP ProRAW.
Dhe në rast se iPhone-t do të ofrojnë vetëm mbështetje për USB 3.2 shpejtësitë e transferimit të të dhënave do të jenë midis 5-20 Gbps, e cila do të jetë akoma më e lartë se Lightning.
Shpejtësia e lartë e transferimit mund të shikohet në të gjithë iPads që përdorin portën USB-C. Modelet iPad Pro me proçesorin M1 dhe versionet më të reja mbështesin teknologjinë Thunderbolt 3, iPad Air i gjeneratës së 5-të ka shpejtësi transferimi deri në 10Gbps, ndërkohë që ai i gjeneratës së 4-t dhe iPad Mini më i ri arrijnë të transferojnë të dhëna me shpejtsinë 5Gbps.
Përjashtim bën vetëm iPad i gjeneratës së 10-të me portë USB-C që mbështet teknologjinë USB 2.0. Kuo tregon se në të njejtën mënyrë si ky iPad do të funksionojë dhe iPhone-t standard 15 dhe 15 Plus.
