Me sa duket iPhone 14 dhe iPhone 14 Plus do të ofrohen në një ngjyrë të re: atë të verdhë. Momentalisht këto iPhone ofrohen në ngjyrat blu, lejla, e zezë, krem dhe e kuqe. Me shtimin e modelit me ngjyrë të verdhë Apple shpreson që të rrisë shitjet e modeleve më pak të kushtueshme të linjës iPhone 14.
Ky lajm vjen nga një Mac Otakara i cili e ka publikuar njoftimin në rrjetin social kinez Weibo si dhe nga MacRumors. Dhe pse Mac Otakara nuk është një leaker shumë i njohur në botën e teknologjisë, zakonisht lajmet e publikuara nga MacRumors janë më të sigurta.
Prej disa vitesh Apple ndjek një taktikë të tillë. Gjatë pranverës së vitit të kaluar Apple prezantoi një ngjyrë të re jeshile për iPhone 13, ndërsa 2 vite më parë prezantoi ngjyrën e purpurt për iPhone 12.
Kanë mbetur ende disa muaj deri në prezantimin e serisë së re iPhone 15, dhe Apple do të provojë gjithçka për të rritur shitjet e smartphone-ve. Kjo strategji është akoma dhe më e rëndësishme për linjën iPhone 14 Plus, e cila zëvëndësoi iPhone 13 mini. Megjithatë ky ndryshim nuk rezultoi i suksesshëm, pasi dhe iPhone 14 Plus nuk ka bërë aq mirë sa parashikohej për sa i përket shitjeve.
