Instagram Stories është padyshim një histori suksesi. Vetëm vitin e shkuar, të paktën gjysma e përdoruesve të Insta, praktikisht 500 milion prej tyre, e përdornin Stories përditë. Gati dyfishi i të gjithë përdoruesve ditorë të ideatorëve origjinalë Snapchat.
Duket se ky interes do të marrë trajtim të veçantë nga kompania në pronësi të Facebook. Platforma po teston një opsion i cili do të lejojë përdoruesit të shohin më shumë Stories përnjëherësh, në faqen kryesore por edhe në një faqe të re të dedikuar.
Si fillim përdoruesit do të shohin dy radhë me Stories në vend të një, dhe një buton tjetër do të të lejojë ta zgjerosh më shumë listën për të parë më shumë profile të cilat kanë postuar kontent të tillë të përkohshëm.
Julian Gamboa ishte ndër të parët që e pikasi këtë ndryshim e më pas postoi një screenshot në Twitter. E më pas kompania ka konfirmuar se që prej një muaji ky opsion ishte në testim tek një numër i përzgjedhur përdoruesish. Për detaje të tjera kanë refuzuar të deklarojnë.
You’ve heard of two rows of Instagram Stories…
Now prepare for “SEE ALL STORIES” pic.twitter.com/vs42wwHuh0
— Julian Gamboa (@JulianGumbo) June 26, 2020
Prandaj mbetet e paqartë se kur do ta shohim globalisht, apo nëse do të konkretizohet. Por tek e fundit një produkt kaq i suksesshëm ka garanci kështuqë besojmë se nuk jemi shumë larg nga përditësimi.
