Edicioni i këtij viti i IFA Berlin, është zhvilluar në kushtet më të pazakonta ndër vite. Teksa bota vijon të përballet me një kusht shëndetësor i cili grumbullimiet masive i ka benzinë për zjarr, IFA vendosi të drejtonte vëmendjen për nga media dhe jo konsumatori.
Megjithatë janë të paktën 2 korridore ku firmat pjesëmarrëse mund të vinin kioskat e tyre edhe pse vetëm për sytë e gazetarëve. Në njërin prej këtyre dy korridoreve ndodhet TP-Link, Fitbit, kompania për sex toys Satisfyer dhe një emër i cili ka marrë mjaft goditje këto kohë: Huawei.
E pse do të duhej që të paguante qeranë, hostet, personelin dhe të gjitha taksat e përfshira një gjigand si Huawei? Përse nuk ndoqi shembullin e shumë kompanive të tjera dhe të mbante thjesht fjalime në live stream? Aq më tepër kur asgjë e re nuk planifikohet të lançohet gjatë këtij eventi.
Epo mesa duket kompania kërkon të tregojë se vazhdon t’i dedikohet kontinentit të vjetër.
Walter Ji, CEO i Huawei Europe, ka thënë se përtej listës së produkteve kompania dëshiron të tregojë përkushtimin që ka në një treg të vjetër si Europa.
Ndër të tjera ai kujton gjithë investimet dhe gatishmërinë që ka treguar Huawei për kontinentin.
Teksa kujton se kur Italia u godit rëndë nga pandemia ishte Huawei ajo që bëri lidhjet me doktorët kinezë në kohë reale, apo pafund raste investimesh për start-up të ndryshme.
E tani ndjehen të tradhëtuar teksa njëri pas tjetrit shtetet Europiane eleminojnë Huawein nga planet e ndërtimit të rrjetit 5G.
Në javët në vazhdim priten një sërë produktesh të drejtuara specifikisht për tregun Europian. Pavarsisht akuzave të U.S.A kompania kineze është e vendosur të tregojë versionin e saj të historisë.
