Honor sapo ka prezantuar smartphone-in e parë të palosshëm të krijuar prej tyre, të quajtur Magic V. Ai ka një formë palosjeje të ngjashme me Samsung Galaxy Z Fold, duke kombinuar ekranin e madh të brendshëm me një ekran më të vogël të jashtëm që mund të përdoret kur pajisja është e palosur.
Si fillim kjo pajisje është prezantuar në tregun kinez me një çmim $1569 për modelin me 256GB internal storage. Ekrani i brendshëm ka një madhësi 7.9 inç (ekrani i brendshëm i Galaxy Z Fold është 7.6 inç) me rezolucion 2272 x 1984 dhe refresh rate 90Hz. Dhe ekrani i jashtëm i Honor Magic V (6.45 inç) është më i madh krahasuar me atë të Fold 3 (6.2 inç), por ky ekran vjen me refresh rate 120Hz.
Në pjesën e brendshme Magic V fuqizohet nga proçesori më i fundit i Qualcomm, Snapdragon 8 Gen 1, i cili shoqërohet nga 12GB RAM dhe 256 ose 512GB internal storage. Kapaciteti i baterisë është 4,750mAh, ndërkohë që bateria mund të karikohet në 66W. Kjo pajisje vjen me sistemin më të ri operativ Magic UI 6.0 të bazuar në Android 12.
Për sa i përket kamerave, në këtë pajisje janë përfshirë një treshe sensorësh 50MP, një kryesor, një ultraëide dhe i ashtuquajturi “Spectrum enhanced camera”. Magic V është e pajisur me 2 kamera selfie 42MP, njëra në ekranin e jashtëm dhe tjetra në atë të brendshëm.
