Para pak kohësh Honor deklaroi në rrjetet sociale se do të merrte pjesë në eventin MWC 2022 në Barcleonë gjatë datave 28 shkurt – 3 mars. Tashmë kompania ka bërë të ditur se pajisjet kryesore që do të prezantohen gjatë këtij eventi do të jenë smartphone-t e rinj të linjës Magic 4.
Honor Magic 4
Honor Magic 4T
Honor Magic 4 Pro
Honor Magic 4 Future pic.twitter.com/xashZ6PdU3— Mayank Kumar ❂ (@MayankkumarYT) February 17, 2022
Fotografitë e shpërndara nuk zbulojnë shumë detaje rreth hardaware-it, megjithatë ne dimë se do të jenë 4 pajisjet e reja në këtë linjë, Honor Magic 4, Magic 4T, 4 Pro dhe 4 Future. Në ilustrimin e dhënë në postimin e Mayank Kumar këto pajisje do të kenë module të mëdha për kamerat e pasme me 3 apo 4 lente, në varësi të modelit. Pritet që kamera kryesore dhe ajo ultrawide të përdorin një sensor 50MP. Përveç këtyre kamerave, në pajisje do të përfshihen dhe një lente telephoto, një macro dhe një sensor monochrome për foto black and white me kualitet të lartë.
Të gjitha pajisjet përveç Honor Magic 4T do të kenë një hapësirë të rezervuar në ekran jo vetëm për kameran selfie, por edhe për disa sensorë të tjerë. Më parë Honor ka treguar se linja Honor Magic 4 do të vijë me Snapdragon 8 Gen 1, të shoqëruar nga 12GB RAM dhe 512GB internal storage në smartphone-t më premium.
Linja Honor Magic 4 duhet të lançohet vetëm 6 muaj pas prezantimit të paraardhësit të saj. Më tepër detaje do të zbulohen gjatë MWC 2022, dhe ne se bashku me Neptun do të jemi aty për t’ju informuar jo vetëm rreth Honor Magic 4 por rreth të gjitha teknologjive të reja që do të prezantohen në këtë event.
