Hapi i radhës nga Google për të fituar epërsi edhe në pjesën hardware të botës së smartphonëve sapo erdhi.
Raportohet se Google po punon për të krijuar proçesoret e vetë, dhe planifikohet që modelet e gjeneratës së ardhshme të Pixel do të fuqizohen prej tyre, dhe Chromebook-ët e ardhshëm do të pasojnë.
Çipi me emrin e koduar “Whitechapel” mund të jetë një proçesor ARM 8 core, duke përdorur proçesin e Samsung 5-nanometer, sipas raportimeve.
Proçesori do mund të optimizohet për të funksionuar më mirë me teknologjinë machine learning të vetë kompanisë dhe një pjesë e tij mund ti dedikohet plotësisht Google Assistant.
Në fakt vetë Google prodhon disa lloje çipesh për aparatet e veta si Titan M për siguri apo Pixel Neural Core që ndodhet brenda Pixel 4.
Për momentin proçesorët e Pixel prodhohen nga Qualcomm, dhe një proçesor i dedikuar do të përmirësonte performancën e një sistemi të caktuar pak a shumë si proçesorët e Apple janë të prodhuar posaçërisht për iOS.
Lëvizja do të ishte një goditje edhe për Qualcomm e cila aktualisht prodhon proçesorë për të gjithë Androidët përveç Huawei dhe disa lloje Samsung.
Konkurrenca në treg ama do të sillte vetëm benefite për vetë industrinë.
