Mbeten vetëm 9 ditë nga lançimi i serisë Galaxy S23 dhe gjatë kësaj kohe ne presim që të shikojmë fotografi reale të produkteve, mirëpo një dyqan në Nicaragua ka postuar disa fotografi të S23 Ultra dhe S23+ në kutinë e tyre origjinale.
Në këto fotografi tregohen smartphone-t në të gjitha ngjyrat që do të jenë të disponueshme: Phantom Black, Botanic Green, Cotton Flower dhe Misty Lilac.
Gjithashtu ne arrijmë të kuptojmë përmes fotove të bëra leak se S23 Ultra duket akoma më tepër “katror” se S22 Ultra dhe se anësitë duken të rrafshëta. Galaxy S23 Ultra ka sensorë më të mëdhenj se S22 Ultra, mirëpo pamja e jashtme është shumë e ngjashme midis dy smartphone-ve.
Këtë vit pritet që dhe S23+ të ketë pamje të ngjashme me S23 Ultra, por do të ketë kënde më të harkuar. Seria S23 pritet që këtë vit të përfitojë nga modeli i veçantë i proçesorit Snapdragon 8 Gen 2, ndërkohë që S23 Ultra do të ketë dhe një kamera 200MP për fotografi me cilësi tepër të lartë.
Found the Galaxy S23+ too! pic.twitter.com/hRLyMb1X3G
— Alvin (@sondesix) January 21, 2023
Samsung do të prezantojë zyrtarisht pajisjet në datën 1 shkurt dhe nuk është ende e qartë nëse kjo seri do të nisë nga çmimi bazë $799 për Galaxy S23.
