Kamera selfie është një ndër kamerat më të përdorura në një smartphone, dhe është zbuluar se njerëzit shkrepin rreth 450 selfie në vit për t’i publikuar në Snapchat. Mirëpo një studim i ri mund të bëjë që kjo gjë të ndryshojë.
Studiuesit në University of Texas kanë zbuluar se kamerat selfie shtrembërojnë fytyrën tuaj, duke bërë që hunda të duket më e gjerë dhe më e madhe se në fotografitë standarde.
Në Mbretërinë e Bashkuar kirurgjia e hundës, e njohur ndryshe si rinoplastika, është një ndër format më të përhapura të kirurgjisë plastike. Studiuesit bësojnë se kjo gjë ka ardhur si rezultat i rritjes së përdoriimt të kameras selfie.
Dr. Bardia Amirlak, i cili drejtoi këtë studim tregoi: ”Ekziston një lidhje midis rritjes së përdorimit të kamerave selfie dhe rritjes së kërkesave për rinoplastikë nga pacientët, sidomos tek pacientët në moshë të re.”
Në këtë studim, ekipi punoi me 30 vullnetarë për të kuptuar se si selfiet çrregullojnë pamjen e fytyrës. Vullnetarët u ulën dhe u shkrepën 3 fotografi, duke përdorur një kamera selfie në distancat 30 dhe 45 cm nga fytyra, dhe një fotografi të tretë të shkrepur nga një kamera dixhitale.
Rezultatet treguan se hunda shfaqej 6.4% më e gjatë në fotot 30 cm larg, dhe 4.3% më e gjatë në fotot nga distanca 45 cm, krahasuar me foton e shkrepur nga kamera dixhitale. U vu re se dhe baza e hundës ishte më e gjerë në këtë selfie. Gjatësia e mjekrës u zvogëlua gjithashtu me 12% në selfiet në distancë 30 cm.
