Përveç një alternative nga Huawei dhe ndonjë tentative nga Motorola, tregu i smartphonave të palosshëm ka vetëm një emër: Samsung.
Koreano Jugorët mbizotërojnë fushën me të mirëpriturin Z Fold 2 si dhe Z Flip interesant.
Raportimet më të fundit tregojnë se Apple është duke punuar për një produkt të llojit dhe mesa duket nuk është vetëm pasi duket se edhe Google ka ndërmendt t’i bashkohet valles.
Një sërë patentash të regjistruara nga kompania tregojnë shkenca të aplikuara për të ndërtuar një smartphone të palosshëm. Interesant është fakti se për momentin janë duke u testuar dy lloje hapjesh për menteshën aq të rëndësishme që do të performojë hapjen e mbylljen.
Njëra do të funksionojë si hapja e një libri, njejtë me Fold ndërsa një tjetër edhe më e rëndësishme paraqet hapjen së larti dhe palosjen mbrapsht njësoj si një bllok shënimesh xhepi detektivësh.
Patentat janë regjistruar që në korrik 2020, por janë bërë të ditura vetëm tani.
Pandemia ndërhyri ndjeshëm në planet e Google për Pixel, ndaj nëse duam të shohim një smartphone me ekran të palosshëm edhe prej tyre do të duhet goxha kohë.
Por sidoqoftë është më se e mirëpritur, jo vetëm për inovacionin por edhe për konkurencën e cila do ta bëjë këtë kategori produkti edhe më të aksesueshme nga të gjithë.
