Këtë të hënë pritet të vijë dhurata e kësaj vere (refuzojmë të pranojmë se ka mbaruar) nga kompania që ruan një vend të veçantë në zemrat e të gjithve; Xiaomi.
Sigurisht flasim për Poco X3, i cili ka pasur një dalje jo zyrtare në një video me përshtypjet e para në një website Spanjoll Tecvideos-TV. Video është hequr sigurisht por screenshotet janë pak të vështira të zhduken nga interneti kështuqë ja çfarë do të thotë Pocophone kësaj here.
Ai nuk do të jetë thjesht një Xiaomi me emër tjetër, por një aparat totalisht unik i cili do të kushtojë €190 si bazë dhe do të pasohet nga një version më premium prej €225.
Proçesori fuqizues do të jetë Snapdragon 732G, çipi i ri i prezantuar nga Qualcomm pikërisht për kategorinë midrange si dhe 6GB RAM.
Ekrani LCD do të jetë 6.67″ dhe do të ketë një kamera frontale 20MP ndërsa sensori i gishtit do të jetë anash tek butoni i hapjes dhe mbylljes.
Paneli i ekranit vjen me rezolucion Full HD+ e për më tepër me shkallë rifreskimi 120Hz i cili do të mbrohet nga Gorilla Glass 5.
Bateria më e madhe në një Poco do të jetë 5,100mAh. Kamera kryesore do të jetë 64MP dhe do të mundësojë regjistrime video 4K në 30fps
