Samsung Electronics ka zbuluar së fundmi gjeneratën e re Galaxy S23: Galaxy S23 Ultra, Galaxy S23+ dhe Galaxy S23. Përpos karakteristikave unike që i shndërrojnë këto smartphone në më të fuqishmit deri tani, të gjitha risitë e reja janë të vendosura brenda një dizajni të mrekullueshëm që mbështet angazhimin e qëndrueshmërisë së Samsung me më shumë materiale të ricikluara se në çdo smartphone tjetër Samsung Galaxy.
Seria Galaxy S23 vjen me kamera të përmirësuara dhe risia kryesore është sensori Adaptive Pixel 200MP në modelin Galaxy S23 Ultra, që kap çdo moment me saktësi të jashtëzakonshme. Përveç kësaj, është përmirësuar funksioni Nightography, i cili ju ndihmon të krijoni fotografi të ndritshme, plot ngjyra dhe me cilësi të lartë nga agimi në muzg. ‘Zhurma vizuale’ që zakonisht shkatërron imazhet me dritë të ulët tashmë korrigjohet nga një algoritëm i ri i përpunimit të sinjalit të imazhit (ISP) me fuqi AI që përmirëson detajet e objektit dhe tonin e ngjyrave.
Duke ditur se kamerat selfie janë më të rëndësishme se kurrë për mënyrën se si ne komunikojmë sot, seria Galaxy S23 ka prezantuar fokusimin automatik të shpejtë dhe kamerën e parë selfie Super HDR, duke kaluar nga 30 në 60 fps, për imazhe dhe video dukshëm më të mira në pjesën e përparme. E për ata që i kushtojnë pak më shumë vëmendje fotografisë, aplikacioni Expert Raw në pajisjet Galaxy sjell opsione profesionale editimi në format RAW dhe JPEG.
Por, çfarë lidhje kanë rrjetat e peshkimit të hedhura në oqean, shishet PET, alumini dhe qelqi i ricikluar me Galaxy S23? Shumë më tepër se sa mendoni.
Duket se seria Galaxy S23 rrit jo vetëm standardet për teknologjinë premium që mund të pasurojë jetën e njerëzve, por ndihmon për të kontribuar në një planet më të shëndetshëm. Që nga seria Galaxy S22, Samsung Galaxy ka rritur përdorimin e materialeve të ricikluara nga gjashtë komponentë të brendshëm në Galaxy S22 Ultra në 12 komponentë të brendshëm dhe të jashtëm në Galaxy S23 Ultra.
Seria Galaxy S23 gjithashtu ka një larmi më të gjerë materialesh të ricikluara në krahasim me çdo smartphone tjetër Galaxy, duke përfshirë aluminin, xhamin dhe plastikën e ricikluar me burim nga rrjetat e peshkimit të hedhura në oqean, shishet PET dhe fuçitë e ujit. Vlen për tu theksuar fakti se përdorimi i plastikës së ricikluar të lidhur me oqeanin në serinë Galaxy S23 mund të parandalojë më shumë se 15 tonë rrjeta peshkimi të hedhura që të hyjnë në oqeanet e botës deri në fund të vitit 2023, duke ndihmuar në uljen e ndotjes së oqeanit.
Gjithashtu, këto do jenë pajisjet e para me Corning Gorilla Glass Victus 2, e cila ofron qëndrueshmëri për përdorim afatgjatë dhe përmban mesatarisht 22 për qind përmbajtje të ricikluar para konsumit.
Edhe paketimi për Galaxy S23 është projektuar të jetë miqësor me mjedisin, me Samsung që ka zgjedhur një kuti “zero plastic” të bërë me letër 100% të ricikluar.
Për më tepër, Seria Galaxy S23 është e certifikuar UL ECOLOGO®, që do të thotë se produkti është certifikuar për ndikim të reduktuar mjedisor.
Më shumë jetëgjatësi
Natyrisht, një mënyrë tjetër e shkëlqyeshme për kompanitë për të reduktuar mbetjet elektronike është të inkurajojnë klientët të mbajnë pajisjet për më gjatë. Për këtë qëllim, seria Galaxy S23 do të vazhdojë traditën e fundit të Samsung duke ofruar katër breza përmirësimesh të sistemit operativ dhe pesë vjet përditësime sigurie. Kombinuar me qëndrueshmërinë e shkëlqyer të dizajnit, blerësit e serisë Galaxy S23 duhet të ndihen rehat duke e mbajtur telefonin për shumë vite.
Me blerjen e Galaxy S23, S23+ ose S23 Ultra, do të përfitoni memorien 100 GB në Microsoft 365 Basic “OneDrive cloud” për 6 muaj, me të cilin do të mund t’i mbani të sigurta të gjitha të dhënat dhe fotot tuaja. Për më shumë informacion, vizitoni: https://www.samsung.com/al/offer/one-drive-promo-2023/
