Honor Magic 3 pritet të vijë zyrtarisht në 12 gusht, dhe ditën e sotme CEO shuajti disi kureshtjen e fansave duke demonstruar pjesërisht dizajnin e kamerave. George Zhao tregoi për aftësitë e inteligjencës artificiale që duhet të priten nga Magic 3 e pajisur me 5 kamera të vendosura në formën e shkronjës M.
Nga pamjet duket qartë se smartphone-i është i mbuluar nga një kasë pre-production për të fshehur dizajnin e përgjithshëm, megjithatë ne mund të shikojmë 5 vrima rrethore në pjesën e pasme të saj, një mikrofon, dual-LED flash në pjesën e poshtme dhe një në pjesën e sipërme.
Honor Magic 3 u shfaq në një video 5 minutëshe të postuar nga Honor në Weibo. Në këtë video Zhao i shpjegon të gjitha shërbimet e reja të ofruara në Magic 3. Një ndër to është dhe ulja e volumit të telefonatave ndërkohë që ju po shikoni ekranin, i cili mund të përdoret në raste kur privatësia është e nevojshme.
Ky smartphone do të jetë i pari në treg që do të përfshijë proçesorin Snapdragon 888 Plus dhe më tepër se një kamer kryesore. Megjithtë do të na duhet të presim dhe 10 ditë për të marrë informacione zyrtare nga kompania.
