Smartphone-t mid-range të Samsung nuk kanë ekrane të palosshme apo kamera të veçanta, por ato janë thjesht disa pajisje shumë solide të cilat tërheqin shumë përdorues me çmimet konkuruese.
Fillimisht pamjet e para të Samsung Galaxy A53 5G u publikuan në nëntor përmes disa renderave të dizenjuar në CAD. Mirëpo tashmë në internet kanë filluar të qarkullojnë disa fotografi aktuale të cilat shfaqin qartë dizajnin dhe renditjen e kamerave në këtë smartphone.
Imazhet u publikuan nga 91Mobiles, dhe ne mund të shohim formën e trupit të pajisjes, panelin e pasëm dhe pjesët e tjera të përbërëse të A53 5G. Nëpërmjet këtyre fotografive vërtetohet se shumica e gjërave që pamë në renderat e hershëm ishin të sakta, si përshembull prania e katër kamerave në pjesën e pasme (bashkë me flash-in).
Në pamjen e jashtme ka shumë pak elementë që ndryshojnë, pasi pajisja është shumë e ngjashme me Galaxy A52 e vitit të shkuar. Mirëpo në këtë smartphone kemi përmirësime të tjera në hardware. Pritet që proçesori i përdorur në Galaxy A53 5G të jetë Exynos 1200, ndërkohë që bateria do të rritet me 360mAh nga modeli i vitit të kaluar, duke shkuar kështu në një total prej 4860mAh.
Për sa i përket ekranit, Samsung pritet të përfshijë në këtë model një ekran 6.46 inç FHD+ AMOLED me një hole punch në qendër për kameran selfie. Nën ekran do të gjendet dhe skanuesi i shenjës së gishtit.
Besohet se smartphone-i do të ofrohet në dy opsione të ndryshme me 8GB RAM dhe 128 ose 256GB internal storage. Dhe ç’është më e mira, A53 5G mund të vijë me një karikuese 15W në kuti!
Article by Kristian Hodo
