iOS 17 është prezantuar zyrtarisht nga Apple gjatë eventit të përvitshëm WWDC të mbajtur ditën e djeshme. Përmirësimet kryesore të bëra në këtë version të iOS janë në sigurinë e përdoruesve, një aplikacion të ri që do të zëvëndësojë ditarin tuaj, StandBy Mode, karta të reja për kontaktet, auto-correct të përmirësuar si dhe transkriptime zanore.
Libri juaj i kontakteve do të përmirësohet me një shërbim të ri të quajtur Posters, të cilat do t’i shfaqin fotot e tyre në të gjithë ekranin kur ju jeni në një telefonatë me të. Ato përdorin një gjuhë dizenjimi të ngjashme me atë të lock-screen, si dhe ju lejojnë që të përdorni memoji-t e kontakteve.
Shërbimi i ri Live transcription për postën zanore do t’ju lejojë të shikoni një transcript të mesazheve që telefonuesit lënë në kohë reale. Përmirësimet në mesazhe përfshijnë aftësinë për të filtruar kërkimin me terma shtesë si dhe një seri shërbimesh të reja të quajtur Check In që shpërndan vendndodhjen tuaj reale dhe statusin me një person tjetër.
Check In ka aftësinë që të lajmërojë mikun tuaj automatikisht kur ju të arrini në shtëpi, si dhe të shpërndajë informacione në lidhje me baterinë tuaj për të parandaluar keqkuptimet.
AirDrop ka fituar një aftësi të re: atë të shpërndarjes së informacioneve të kontaktit të quajtur NameDrop.
Në iOS 17 përfshihen gjithashtu dhe përmirësime në tastierë, duke përfshirë këtu dhe përmirësimin e auto-correct, e cila mbështetet në një model të ri gjuhësor për saktësi më të lartë.
Aplikacioni i ri Journal do t’ju nxisë të shprehni mendimet tuaja në lidhje me një udhëtim që keni bërë, dhe në këto mendime ju mund të shtoni fotografi, muzikë apo aktivitete të tjera. Gjithçka është e enkriptuar në këtë aplikacion.
StandBy Mode është një metodë e re karikimi që e shndërron ekrani tuaj në një status display që shfaq orën, datën, parashikimin e motit apo eventet në kalendarin tuaj. gjithashtu ju nuk keni më nevojën të thoni “Hey Siri” për aktivizimin e asistentit dixhital, mjafton një “Siri”.
