Ajo çka deri dje qarkullonte si legjendë urbane mes nesh tashmë sapo u bë zyrtare. Sa herë del një iPhone i ri, ai i vjetri duket sikur ngadalësohet pak.
Para pak kohësh Franca fitoi një gjyq prej 27 milion dollarësh kundra Apple, me pretendimin se kompania në fjalë, me anë të sistemit operativ, ngadalësonte performancën e aparateve të vjetër me qëllim stimulimin e shitjes së smartphonëve më të rinj ose ndërrimin e baterisë. Dhe ky skandal nuk mund të kalonte pa krijuar precedent edhe në vende të tjera si Italia apo U.S.A. Kjo e fundit ka qënë shumë më e ashpër dhe sipas vendimit të gjykatës Apple duhet të paguajë një gjobë e cila mund të arrijë deri në 500 milion dollarë.
Një pjesë e këtyre parave do të shkojnë sigurisht edhe për vetë konsumatorin. Çdo qytetar amerikan pronar i një iPhone 6, 6 Plus, 6s, 6s Plus, 7 Plus apo SE i cili ka punuar me iOS 10.2.1 ose me cilindo verion të mëvonshëm do të mbulohet nga kjo marrveshje. Gjithashtu edhe cdo iPhone 7, 7 Plus me iOS 11.2 deri në 21 Dhjetor 2017.
Sipas Reuters dëmshpërblimet mund të fillojnë nga 25 dollarë, megjithatë do të bëhet një përllogaritje më e saktë pasi të jetë finalizuar proçesi gjyqësor. Kështu nëse edhe ti je nga të paktët fatlum qe tezja apo xhaxhai i solli nje iPhone nga U.S.A kontrolloje një herë se nuk i dihet.
