9to5Mac sapo publikoi një raportim nga analisti i Wedbush i cili deklaronte se iPhone 13 do të ketë një version me 1TB internal storage. Për momentin, opsioni me 1TB ofrohet në iPad Pro, ndërsa në linjën iPhone 12 maksimumi i internal storage arrin në 512GB. Ky është me të vërtetë një lajm interesant, por a ka njerëz të interesuar në një iPhone 1TB?
Me sa duket, po. Për të kuptuar se sa shumë file mund të ruajmë në një smartphone me 1TB internal storage le të shikojmë disa shifra.
Formati më i lartë i MP3 prej 320kbps prodhon file 2.4MB për minutë. Nëse llogarisim si gjatësinë mesatare të një kënge 3 minuta, atëherë kemi të bëjmë me 7.2MB për këngë. Kjo nënkupton se ju mund të regjistroni 138,889 këngë në një iPhone 1TB dhe du t’ju duhën 289 ditë për t’i dëgjuar këto këngë.
Videot 4k UHD përdorin 7GB për një regjistrim 1 orësh. Kjo tregon se ju mund të regjistroni 143 orë me pamje filmike në iPhone-n tuaj 1TB, rreth 57 filmime dy orësh e gjysëm.
Madhësia mesatare e një aplikacioni iOS është 34.3MB. Ju mund të shkarkoni 29,070 aplikacione në hapësirën 1TB, por me shumë mundësi do t’a keni të vështirë të organizoni home screen.
Kompjuteri original i Apple, Mackintosh 128K kishte një memorie prej vetëm 400KB. Kjo sasi mund të regjistrohej në iPhone-n 1TB 2 milionë e gjysëm herë.
Ajo që mësuam sot është se hapësira 1TB është shumë e madhe dhe vetëm një numër i vogël njerëzish kanë nevojë për to.
