Më në fund Google e konfirmon, Nearby Share është rrugës. Versioni beta është në testim.
“Jemi duke bërë një test beta për një opsion të quajtur Nearby Share, do të japim më shumë informacione në të ardhmen. Qëllimi jonë është ta lançojmë funksionin me suport për Android 6+ por edhe platforma të tjera.” Ka thënë Google.
Funksioni u pikas fillimisht në disa Chrome OS Canary në fillim të muajit, çka nënkupton se edhe Chromebookët do ta kenë.
Nearby Share do të jetë versioni i Android për AirDrop nga Apple. Shpejt dhe pa kabuj mund të transferosh materiale nga njëri aparat në tjetrin, mjafton të jenë afër. Sipas testeve deri tani mund të transferohen foto,video por edhe linqe.
Samsung ka qenë duke punuar për një funksion të ngjashëm nën emrin Quick Share i cili lejon të ndash materiale me deri në 5 aparate të tjerë Samsung njëkohësisht. AirDrop e bën këtë vetëm tek e tek. Avantazhi i Nearby Share do të jetë fakti që kalimi mund të bëhet pavarsisht markës, mjafton të jetë Android.
