Huawei vazhdon të mbajë pozicionin e një ndër shitësve më të suksesshëm të smartphonëve. Konfliktet më të fundit me qeverinë amerikane mund të kenë shkaktuar edhe stepje, por a ka vërtetë arsye për të mos e blerë një?
Çfarë ndodhi mes qeverisë USA dhe Huawei?
Qeveria Trump vendosi përpara një viti se Huawei nuk mund të bëjë biznes me kompani amerikane. Sipas tyre, kompania është nën dirigjimin e qeverisë së shtetit të vetë e për rrjedhojë Kina komuniste ka akses tek të dhënat e qytetarëve që blejnë një Huawei. Ndaj edhe ndërtimi i rrjeteve 5G jo vetëm në Amerikë por edhe në shumë vende të tjera është parë si rrezik i rëndë sigurie.
Sa e vërtetë është kjo? Varet cilën qeveri preferon të të monitorojë.
A do të thotë kjo se smartphonët Huawei nuk mund të kenë Android?
Android është open-source ndaj edhe çdo aparat digjital mund ta ketë, problemi qëndron tek Google Mobile Services. Që do të thotë Google Maps, Gmail, YouTube dhe Google Play Store nuk janë më të disponueshme në smartphonat Huawei. Play Store përbën problemin më serioz duke qenë se aplikacionet më popullore shkarkohen që aty, megjithse shumë shërbime mund të aksesohen me anë të browserit. Megjithatë dyqani i vetë AppGallery po mbushet me aplikacione të reja, ndër të tjera opsioni Petal Search lejon të gjesh burime të sigurta nga ku mund t’i shkarkosh aplikacionet e mësipërme popullore. Pengesë mbeten përditësimet e tyre dhe mbështetja me paketat e sigurisë.
Po Harmony OS?
Ky sistem operativ i vetë kompanisë pritet të vijë më vonë gjatë vitit. Së jashtmi dhe në përdorim nuk do të ndjehet ndryshim, kjo për shkak të EMUI që ndodhet në të gjithë smartphonët kinezë. Njejtë si Android, edhe Harmony OS është e bazuar në Linux ndaj edhe zhvilluesit nuk do e kenë shumë të vështirë të përshtasin aplikacionet e tyre me të.
A ia vlen ta blesh një Huawei?
Padyshim që po, kompania vazhdon të mbetet një kampione kur vjen puna për të ofruar performancë. Madje në shumë fusha si kamera ajo është shpesh lider i padiskutuar, konfirmuar së fundmi edhe nga EISA. Lentet Leica, AI në software dhe proçesimi i shpejtë janë të pakonkurueshme. Proçesori i vetë Kirin po ashtu mban një pozicion të fortë treg.
Huawei po ashtu njihet si ndër ato emra që guxojnë dhe sjellin inovacion, e para që solli një sesnor gjurme gishti nën ekran apo karikimin wireless nga smartphoni në smartphone. Pra ana hardwareike vazhdon të jetë ndër kryesueset e tregut.
Problemi i një app store është në fakt i vetmi problem serioz ndaj duhet parë nëse aplikacionet e preferuara ndodhen në AppGallery përpara se të investohesh.
Sa për Harmony OS nuk e dimë si do të jetë pa e provuar ende, por krijimi i një sistemi tretë operativ jo vetëm që do të lëkundte monopolet Android dhe iOS por do t’i sillte shumë të mira tregut.
