2021 ishte një vit tepër i mirë për sa i përket industrisë së smartphone-ve, dhe ne pamë që disa nga kompanitë filluan të ofronin updates për një periudhë pak më të gjatë se normalisht. Ato prodhuan smartphone budget dhe high end shumë të mirë dhe përmirësuan aftësitë e kamerave ndjeshëm. Megjithatë ka gjithnjë hapësirë për përmirësime.
Më poshtë do të shikoni disa nga gjërat që ne kërkojmë që smartphone-t në 2022 të kenë.
Kërkojmë përkushtim për të update-uar smartphone-t për një periudhë më të gjatë
Samsung e nisi këtë trend në 2020 kur tregoi se smartphone-t e saj tashmë do të marrin OS updates deri në 3 vite, ndërkohë që security updates për 4 vite. Dhe kompani të tjera si OnePlus, Nokia, Vivo, Oppo, Xiaomi premtuan të njejtën gjë. Mirëpo e vërteta qëndron në faktin se kjo gjë ishte më tepër një taktikë marketingu, pasi këto updates aplikohen vetëm në smartphone-t high end.
Kërkojmë një zgjidhje mbi mungesën e karikueseve në kuti
Apple dhe seria e iPhone 12 filluan trendin e heqjes së karikueses nga kutia, dhe ky trend u ndoq më pas nga Samsung dhe Google, të cilët nuk e përfshinë karikuesen në serinë S21 dhe Pixel 6 Duo.
Arsyeja se përse këto kompani nuk e përfshinë karikuesen në kuti ishte mbrojtja e ambientit. Mirëpo ekziston gjithmonë një zgjidhje. Xiaomi ndoqi një shembull mjaft të mirë në shitjen e smartphone-ve të saj, duke lejuar blerësit të zgjedhin nëse e duan karikuesen apo jo në kuti. Dhe nëse ju e merrni karikuesen, çmimi i produktit nuk do të ndryshojë, pra karikuesja ofrohet falas.
Kërkojmë mbështetje më të gjërë për karikimin e shpejtë
Një trend që ne e kemi vënë re prej vitesh është prezantimi i smartphone-ve që suportojnë protokolle personale të karikimit të shpejtë. Kjo gjë nuk është problem kur përdoren protokolle si USB-PD, PPS dhe Quick Charge, por disa kompani ndjekin protokolle të ndryshme, dhe nëse ju e karikoni një smartphone me karikuese tjetër, atëherë shpejtësia e karikimit bie në 10W.
Kërkojmë më tepër smartphone të palosshëm në treg
Gjatë 2021 ne pamë kompanitë si Xiaomi, Huawei dhe Oppo që prezantuan pajisjet e tyre të palosshme. Për fat të keq, këto pajisje u shitën vetëm në tregun kinez, duke bërë të mundur që Samsung të jetë e vetmja kompani që ofron smartphone të palosshëm në tregun botëror.
Kërkojmë largimin njëherë e mirë të kamerave 2MP
Një nga trendet më zhgënjyese të viteve të fundit është prania e kamerave 2MP në smartphone, të cilat janë zakonisht lente macro apo depth sensors. Kjo është qartësisht një përpjekje transparente për të rritur madhësinë e kameras së pasme, në mënyrë që kompanitë të thonë lirisht se smartphone-t e tyre kanë një sistem me 3 apo 4 kamera.
