Sipas një sondazhi të kryer nga SellCell, 44% e përdoruesve aktual të iPhone rezultuan të gatshëm për të upgrade-uar në iPhone 13.
Nga 44% e pjesëmarrësve që synonin të upgrade-onin në iPhone 13, 38.2% e tyre do të blinin iPhone 13 bazë, 30.8% do të blinin iPhone 13 Pro Max dhe 24% do të blinin iPhone 13 Pro. Në iPhone Mini ishin të interesuar vetëm 7% e personave që kërkonin të blinin një smartphone nga seria e re.
Shërbimi kryesor që tërhoqi vëmendjen e 22% të pjesëmarrësve në këtë sondazh është ekrani i ri me refresh rate prej 120Hz, ndërsa 18.2% shpresojnë se ky do të jetë viti i rikthimit të Touch ID, dhe pse rikthimi i këtij shërbimi duket të jetë ende larg. Një tjetër shërbim që pritet të vijë në këtë gjeneratë janë always-on-display, të cilët janë prezentë prej vitesh në Android. Nga ana tjetër 10.9% e pjesëmarrësve u përgjigjën se do të blenin një iPhone 13 vetëm se madhësia e notch-it do të zvogëlohet.
Bashkë me iPhone në këtë event pritet të prezantohen dhe produkte të tjera si Apple Watch Series 7 dhe gjenerata e tretë e AirPods, mirëpo këto produkte nuk sjellin shumë entuziazëm. 77% e pjesëmarrësve në sondazh treguan se nuk ishin të interesuar në Apple Watch Series 7 ndërsa 87.1 e tyre thanë se nuk ishin të interesuar në AirPods 3.
