Kompanitë e reja vijnë dhe kanë për detyrë të shkundin tregun. OnePlus dhe efekti i vetë ndjehet fare mirë sa herë shohim një mid-ranger të ngjisë shkallët e suksesit. Tashmë është krejt e zakonshme që krahas flagshipeve kompanitë të sjellin edhe smartphona të buxhetit të mesëm, aq sa edhe Apple i është bashkuar valles me SE-të e vetë.
Megjithatë në rritje të efekteve të pandemisë së këtij viti, nevojës për të ulur shpenzimet e uljes së çmimit të teknologjisë, viti 2020 ka qenë pa pikë dyshimi viti i mid-rangerave. Ja përse.
Shumë opsione premium kanë kaluar edhe tek smartphonët e mesëm.
Shkalla e lartë e freskimit u trashëgua në shumë ekrane të mid-rangers, OnePlus Nord me 120Hz dhe Poco X3 me 90Hz janë dy shembuj shumë të mirë.
Karikimi pa kabull dhe ai i shpejtë pa një trend goxha të shëndetshëm me kapacitete karikimi nga 30W e madje edhe më lartë.
E të mos harrojmë implementimin e 5G, e cila edhe pse me nivele të ndryshme suksesi nga njëri aparat tek tjetri, është benefit për komunitetin.
Flagshipët u shtrenjtuan shumë.
Kjo i atribuohet kryesisht gjeneratës së re të proçesorëve nga Qualcomm. Seria e re Snapdragon 865 futi për herë të parë 5G dhe teknologjia mmWave aktualisht është goxha e shtrenjtë. 2020 pa lojtarët kryesorë të kalojnë nga standarti $1000 deri në $1200 apo $1300.
Super mid-rangeri.
Këtë vit pati goxha interes edhe në smartphona të cilët duke bërë një kompromis më të shëndetshëm midis luksit dhe performancës anuan më shumë nga kjo e dyta. Të gjithë ato aparate që një pjesë të teknologjisë të tyre vazhduan të përdornin atë të një gjenerate më parë si rasti i Pixel me lente të vjetra. Google u justifikua me faktin se asnjëra nga lentet e reja të prezantuara nuk përfaqësonte ndonjë zhvillim kushedi. Ndaj bën sens që më mirë të paguash pak më shumë se mesi por të marrësh diçka solide.
Çfarë presim në 2021?
5G më e lirë.
Ndërsa infrastruktura për teknologjinë vijon të shtrohet, paralel me të do të ecë edhe shtimi i prodhimit çka do të ulë çmimin e njëkohësisht do të bëjë më të aksesueshme mmWave.
Ekrane më të shpejta.
Poco X2 ishte i pari smartphone i lirë që solli një ekran me shkallë rifreskimi të shpejtë. Teknologjia dhe prodhimi në masë do të bëjnë të vetën. Thjesht imagjinoje si do luajmë lojra këtë vit që po vjen.
Kamera nën-ekran.
Edhe kjo teknologji e kaloi më në fund testin e provës me daljen e ZTE Axon 20 5G si smartphone i parë me një kamera nën ekran. Ajo ndodhet ende në fazë eksperimentale, por në nivelin e mesëm të tregut, disa kompromise të tilla nuk janë të rralla, ndaj fansat e mid-rangers do të jenë më se të lumtur të testojnë.
Fast Charge.
Derisa të kalojmë tek Solid State Bateries do të kënaqemi me këto që kemi. Sa vjen e më shumë kompanitë po gjejnë mënyra të reja për të karikuar më shpejtë bateritë. Ndaj sfida e kompanive kineze për shifrën më të lartë të Wat-it do të na shpërblejë të gjithëve.
Video 4K më të mira.
Shumë kamera e kanë rritur tashmë shkallën e kornizave për sekondë. Ndaj edhe mid-rangers që ofrojnë 4K e shoqërojnë me 30fps por edhe disa pak më të rralla 60fps. A do të shohim implementimin e 8K? Do të duhet hapësirë dhe performancë goxha ndaj le të mos ushqejmë shpresa të kota.
