Për shumicën e njerëzve, vrasja e qenve në video-lojra është një moment shumë trishtues, por që i kërkohët ndonjëherë lojëtarëve nga lojëra të ndryshme aksion si Far Cry 6. Një fans i cili po luante këtë lojë, arriti të regjistronte momentin kur qeni në lojë vritet, ndërkohë që qeni në jetën reale mbetet i shokuar dhe i tmerruar.
Kjo video u postua në TikTok nga @KingKleiny dhe pamja zmadhohet në mënyrë progresive ndërkohë që qeni sheh dikë që po luan Far Cry 6. Për fat të keq, personazhi brenda lojës u sulmua nga një qen dhe ai u detyrua ta largonte atë dhe më pas ta vrite. Mirëpo kjo ngjarje po ndiqej me shumë vëmendje nga qeni në jetën reale dhe dukej sikur ai po mendonte “si munde ta bësh diçka të tillë?”.
@kingkleiny Oh no… #gamer #memes #farcry6 #husky #gamergirl #fyp #foryou #dog
Për ta bërë këtë ngjarje disi më dramatike, në video luhet soundtrack “Evil Morty” nga Rick and Morty, e cila është koordinuar në mënyrë perfekte me lëvizjen e kokës së qenit. Kjo video ka bërë menjëherë xhiron e rrjetit dhe është parë pothuajse 7 milionë herë përgjatë 2 ditëve.
Seria e video-lojërave Far Cry ka përfshirë dhe më parë sulme nga qentë, mirëpo në Far Cry 6 është hera e parë që përfshihet Chorizo, një qen shoqërues.
