Lajmi i trishtë i anullimit të E3 na preku të gjithëve, por miq të Geek Room mbahuni fort se lajme edhe më të trishta na presin. Arsyeja pse e dashurojmë E3 është sigurisht përveç organizimit fantastik, dhe konkurrencës në fund të fundit duam të dimë titujt e video lojrave që deklarohen. E për më tepër ndonjë trailer të tyre dhe pak gameplay.
Konfirmohet se Batman dhe Harry Potter do të prezantoheshin në E3.
Batman është në prag rilançimi për filmin me aktor kryesor Robert Pattinson dhe sigurisht që vëmendja do të ishte goxha e lartë. Sapo zbulojmë ndonjë detaj të vogël merr zjarr i gjithë rrjeti. Një videolojë do të ishte mënyrë e bukur për ta shoqëruar.
Bazë goxha të gjërë ka sigurisht edhe saga e filmave Harry Potter, e cila për fat të keq asnjëherë nuk ka patur një video lojë në nivelin e filmit.
Sigurisht që asnjëri nga titujt nuk pretendohet të jetë ndonjë çudi për sa i përket eksperiencës, dhe nuk po themi se do lësh Call of Duty për të luajtur Harry Potter por për hir të traditës do ti shpenzoje ca orë.
Nëse E3 e kishim si deadline, tani na ngelet vetëm të presim lajmërimet online për të dyja lojrat.
