Pas shumë raportimeve të ndryshme që tregonin se Grand Theft Auto III, Vice City dhe San Andreas do të vinin me disa versione remastered HD, gjithçka është konfirmuar. Këto versione do të dalin në shitje si një paketë e quajtur Grand Theft Auto: The Definitive Edition për PC, PlayStation, Xbox dhe në Nintendo Switch. Më pas në iOS dhe Android do të vijnë versionet përkatëse në fillimin e vitit 2022. Informacionet në lidhje me çmimin dhe datën e saktë të prezantimit nuk janë publikuar ende.
Deri më tani kompania ka venosur të mos përmendë se cilat do të jenë përmirësimet teknike që do të vijnë në këtë version, madje nuk ka shpërndarë asnjë pamje nga lojërat. Mirëpo ajo që tregohet është se lojërat kanë marrë ”përmirësime grafike dhe gameplay moderne”.
/cdn.vox-cdn.com/uploads/chorus_asset/file/22910140/image003.gif)
Nëse ju jeni një nga personat që u rritën me Grand Theft Auto 5 dhe nuk i keni luajtur më parë këto lojëra, atëherë ky është shansi prefekt për t’i luajtur ato. Mund t’ju duket disi e çuditshme pasi në këto lojëra ju nuk mund të ndërroni personazhet, por do të luani si Claude në GTA III, Tommy Vercetti në Vice City dhe CJ në San Andreas.
Nëse ju dëshironi të blini versionet origjinale të këtyre lojërave, atëherë bëni mirë t’i blini gjatë kësaj jave pasi më pas ato do të hiqen nga dyqanet.
