Naughty Dog dhe Sony Interactive Entertainment lëshuan trailerin e ri për The Last of Us Part II.
Ai fokusohet më shumë tek historia sesa gameplay i lojës ndaj të përpiqemi të nxjerrim çfarë kuptojmë prej tij.
Joel dhe vajza e tij Ellie janë sërisht në fokus, tashmë disa vjet më vonë çka reflektohet edhe tek rritja e vajzës. Ajo që nuk është e qartë është linja e ngjarjeve pasi traileri përbëhet nga episode të shkëputura nga njeri tjetri, ku Joel është më në hije ndërsa Ellie është tërbuar në kërkim të hakmarrjes.
Çka na çon tek leak-u i muajit të shkuar, ku parashikohej vrasja e Joel nga një personazh tjetër i quajtur Abby, ngjarje që justifikon shëndrrimin gjaksor të Ellie
Bashkë me xhaxhain e saj Tommy vajza tashmë protagoniste lëshon tërë mizorinë dhe inatin mbi të mbijetuar të tjerë të cilët i morën jetën babait të saj për arsye akoma të paqarta.
Duke na dhënë kështu një protagoniste femër, dhe një aktivitet tjetër veç masakrimit të zombive në një botë post-apokaliptike.
Megjithatë disa gjëra kuptohen edhe për gameplay, si për shembull fundet më të hapura për zgjidhjet e misioneve, dhe bota gjithashtu duket më e hapur. Inati i Ellie është ajo çka tërheq gjithë aksionin, dhe ndërsa arsyet e saja janë të papërcaktuara disa dinamika të reja janë të qarta. Si dhuna e saj në nivele akoma më të larta dhe më të larmishme në ekzekutim, si për shembull skena ku ajo po qëllon me armë nga pjesa e pasme e një makine.
The Last of Us Part II do të publikohet më 29 maj 2020, periudhë goxha e përfolur edhe për shumë evente të botës së gaming si për Xbox edhe PlayStation.
