Pas një dekade punë nga 7 regjizorë të ndryshëm, filmi Uncharted i Sony është më në fund gati për t’u publikuar, dhe tashmë ajo ka dhe një trailer.
Tom Holland do të shfaqet si një version i ri i kërkuesit të thesareve / aventurierit të quajtur Nathan Drake. Është disi e çuditshme kur e shikon për herë të parë se sa i ri Holland duket në këtë trailer, në krahasim me paraqitjet e tij të tjera, dhe kur përdor theksin e tij amerikan njësoj si në filmat Spider-Man të Marvel.
Dhe pse në pamje të parë kjo është një prequel, fansat e lojës do të vënë re se shumë nga skenat në film do të jenë tepër të njohura: plani me aeroplanin e madh duket sikur është i njejtë me Uncharted 3: Drake’s Deception. Në film përfshihen gjithashtu dhe personazhe të tjerë të njohur si Mark Wahlberg (i cili do të luajë rolin e Sully pa mustaqe) dhe Sophia Taylor Ali (e cila do të luajë një Chloe Frazer të re në moshë).
Për të vënë disi në perspektivë se sa kohë është dashur për të realizuar këtë film, mjafton të tregojmë faktin se Mark Wahlberg fillimisht ka pranuar të luajë rolin e vetë Drake në 2010, rreth një dekadë më parë.
Uncharted nuk është e vetmja video-lojë që do të adaptohet në një film. Studio Naughty Dog po punon me HBO për krijimin e një versioni të The Last of Us, me aktorë si Pedro Pascal dhe Bella Ramsey.
Data e prezantimit të filmit Uncharted do të jetë 18 shkurt 2022.
