Shtatë regjisorë janë ndërruar në mbi një dekadë që nga hera e parë kur u premtua një film i dedikuar serive te lojës Uncharted.
Edhe bilanci i aktorëve nuk është i keq, por së fundmi mësohet se përfundimisht rolin do ta luajë Tom Holland. Ylli i Spiderman ka postuar në Instagram një foto me veshjen Nathan Drake, protagonistit të lojës nga Naughty Dog.
Nathan Drake në Uncharted është diku midis të njëzetave dhe të tridhjetave ndaj edhe Holland i shkon më së miri. Përgatitja e tij fizike na bën të kemi besim se do të kemi një përfaqësim të denjë. Pas performancës së tij në The Devil All The Time, mund të themi se ky vit po shkon më shumë se shkëlqyeshëm për aktorin. Bashkë me të do të luajnë edhe Mark Wahlberg, Antonio Banderas, Sophia Taylor Ali, dhe Tati Gabrielle.
Ndërkohë edhe zëri origjinal i Nathan Drake në lojë, Nolan North gjithashtu ka ndarë foto nga seti, çka vërteton njëhereë e mirë se produksioni është konkret.
Like looking into a mirror! Proud to have @TomHolland1996 continuing the Drake legacy! Absolutely smashing it!
Thanks for the set visit!!@unchartedmovie pic.twitter.com/sfiFYUJVyH— Nolan North (@nolan_north) October 22, 2020
Uncharted pritet të dalë në kinema në 16 korrik 2021.
Gjithmonë nëse regjisorit nuk i ndodh gje, e pandemia nuk ndërhyn në ëndrrat tona sërisht.
