Vetëm pak muaj pasi bota u mrekullua nga pamjet e një demoje të parë të Unreal Engine në PS5 një tjetër titull i shumëpritur merr trajtimin e rezolucionit të konsoles së shumëpritur.
The Lord of The Rings: Gollum është një lojë nga Daedalic Entertainment e cila në këtë teaser nga IGN nuk zbulon më shumë sesa rezolucioni dhe niveli i lartë i detajimit grafik.
Por Daedalic ka vendosur të ndajë sidoqoftë hollësi për lojën që pritet të vijë në 2021.
Boshti kryesor i dinamokës së lojës rrotullohet rreth modalitetit stealth, një sërë veprimesh të fshehta e tinzare të cilat i shkojnë përshtat protagonostit tonë, pasi ajo do të jetë një eksperiencë pa dyluftime.
Vendimet e lojtarit do t’i japin edhe drejtim lojës, duke u shtrirë në atë çka J.R.R Tolkien ka përcaktuar tashmë për Gollum dhe një histori të përshtatur pas librave origjinalë.
Loja do të ndahet në nivele dhe segmente, disa prej të cilave open-world, rrugë alternative, dhe kalime sekrete për tu eksploruar. Pritet goxha fokus në parkour vertikal dhe mjediset e pasura të frymëzuara nga vizioni i Tolkien për Middle-earth.
