Një studim i ri ka zbuluar se Mario Kart është loja që “e bën zemrën tuaj të punojë më fort” në krahasim me lojrat e tjera.
Ndërkohë që ju kontrolloni Bowser ose Princeshën Peach duke garuar rreth plazhit Koopa Troopa, pulsi juaj rritet me 32.81% pas luajtjes së lojës për një periudhë prej gjysmë ore. Studimi testoi lojëra tepër të njohura për të përcaktuar se cila mes tyre ishte më stresuesja për t’u luajtur.
Lojtarët nisën testimin duke luajtur lojra si Skyrim, Call of Duty Modern Warfare, Grand Theft Auto, dhe më shumë. Studiuesit përdorën monitorë të rrahjeve të zemrës për të testuar reagimet e lojtarëve dhe zbuluan se Mario Kart rriti pulsin mesatarisht me 21 rrahje në minutë. Kjo i shtyu rrahjet mesatare të zemrës në pushim nga 64 rrahje në minutë në 85 rrahje në minutë.
Lojëra të tjera që u renditën në top 5-shen pas hidraulikut italian të preferuar nga të gjithë përfshinin FIFA (31% rritje), Call of Duty Modern Warfare (30% rritje), Dark Souls III (28% rritje) dhe Fortnite (27%). Një rritje prej 30% e rrahjeve të zemrës mund të krahasohet me një ecje të shpejtë.
Fintan Costello, Drejtor Menaxhues në BonusFinder, i cili kreu studimin, tha: “Nëse jeni duke kërkuar për një lojë klasike të përjetshme, Mario Kart mbetet i preferuari i fansave edhe pas tre dekadash.”
“Ajo që nxjerr në pah studimi është mjaft e jashtëzakonshme, pavarësisht të gjithë të ardhurve me grafikë të përmirësuar dhe shpenzime të shtuara, formula e vjetër e Nintendo është ende e parezistueshme për lojtarët dhe asgjë nuk mund të zëvendësojë rrezikun e një guaskë të kuqe në xhiron e fundit të një gare.”
