Sot Sony prezantoi controller-at në formë sferike për komandim VR, të cilët janë disi ndryshe nga controller-at ekzistuese të PlayStation Move. Në to përdoret e njejta teknologji DualSense që përdoret dhe në controllerat e PS5 dhe këmbëzat janë të tensionuara.
Këto controllers janë të pajisura me haptic feedback dhe zbulim të prekjes së gishtit. Hideaki Nishino, drejtuesja e planifikimit dhe menaxhimit në PlayStation thotë se shërbimi i zbulimit të prekjes së gishtit do t’ju lejojë të kryeni veprime më natyrale me duart gjatë lojës.
Natyrisht, këto controllers do të përfshijnë dhe aftësinë e lokalizimit për VR Headset-in e ri të Sony përmes një unaze në pjesën e poshtme të tyre. Ky dizajn duket qartë që është më i përmirësuar në krahasim me gjeneratën e kaluar. Nishino sqaron se kompania japoneze mezi po pret që këto produkte të arrijnë në komunitetin e zhvilluesve për të parë idetë e tyre se si ky controller do të ndihmojë të sjellë imagjinatën në realitet.
Sony akoma nuk ka prezantuar dizajnin e VR Headset të ri për PS5, por ka treguar se kanë përmirësuar fushën e pamjes dhe rezolucionin.
