Sony planifikon të rrisë shpenzimet për kërkimin dhe zhvillimin e lojërave dhe t’i përqendrojë ato para shtesë në lojërat e stilit Fortnite dhe VR.
Kompania do të investojë $2.13 miliardë në segmentin R&D në vitin fiskal 2023, duke përbërë rreth 40% të shpenzimeve të kompanisë për R&D – mbi dyfishin e shumës që shpenzoi në vitin 2020. Qëllimi është të konkurrojë kompanitë e tjera në lojërat cloud dhe VR, veçanërisht nëse blerja e Activision Blizzard nga Microsoft aprovohet.
Sony tradicionalisht është mbështetur në lojrat me histori mjaft tërheqëse si God of War dhe Horizon Zero Dawn, por lojërat live përdorin një model tjetër. Në vend që të zhvillojnë një lojë dhe të kalojnë në tjetrën me një histori të re, kompanitë krijojnë tituj që mund të përditësohen me kalimin e kohës, duke gjeneruar të ardhura me përmbajtje të reja si harta sezonale, skin dhe armëve. Overwatch dhe League of Legends janë shembuj të tyre.
Sony është aktualisht prapa rivalëve në këtë stil lojrash- kishte vetëm një lojë të këtij stili në 2021, por planifikon të ketë 12 në portofolin e saj deri në mars 2026. Për këtë qëllim, ajo planifikon të shpenzojë 55% për R&D për zhvillimin e lojrave live për PS5 duke nisur nga Mars 2024 dhe vlera do të rritet deri në 60% në Mars 2026.
Për të realizuar qëllimin e saj, Sony planifikon të blejë kompaninë Bungie.
