Ubisoft është nën zjarr përsëri, kësaj radhe për mënyrën si kontenti me para është prioritet përpara DLC-ve të tjera në Assassin’s Creed Valhalla.
Menjëherë pas lançimit në nëntor, u bë e qartë që Valhalla ishte mjaft larg nga Odyssey, jo vetëm për historinë por edhe për përqindjen e përfshirjes së mikrotransaksioneve. Veshjet, armët e sende të tjera kanë një ndarje jo të shëndetshme midis atyre me pagesë dhe atyre falas. Nëse të duhet një armaturë me pikëzim të mirë dhe fuqinë e nevojshme për të kaluar disa nivele duhet t’a blesh atë. Dhe nëse nuk e blen versioni i saj falas shfaqet shumë më vonë gjatë lojës. Shtoji kësaj, faktin që përditësimet e nevojshme për të rregulluar eksperiencën në lojë janë vonuar.
Një postim në Reddit nga një përdorues me emër Zuazzer ka marrë shumë vëmendje; ai thekson se si dyqani i lojës ofron 9 sete armaturash, po njësoj me atë që ofron loja bazë. Për më tepër kozmetikat e aksesorët sipas tij ndikojnë në rrugëtimin në lojë dhe shpesh janë të shtrenjta.
Fansat kanë vërshuar online me ankesat e tyre, sipas tyre prioritetet e kompanisë kanë devijuar, teksa qartazi parësor për kompaninë qenka përfitimi, ndërsa eksperienca e vetë lojës nuk ka shumë rëndësi.
