Një nga aspektet më tërheqëse të PlayStation 5 është padyshim edhe aftësia për të luajtur lojrat e vjetra.
Për herë të parë një konsole e Sony do të ofrojë backwards compatability, megjithëse vetëm për lojrat e PS4. Mbetet për t’u parë nëse endrra për të luajtur lojra edhe më të vjetra në të do të realizohet apo jo.
Sony ka thënë se pothuajse të gjitha titujt PS4 mund të luhen në PS5. Disa prej tyre madje do të përfitojnë edhe nga fuqia shtesë e konsoles së re. Por nga ana tjetër ekziston mundësia që disa funksione të PS4 mund të mos funksionojnë ndaj priten edhe errors dhe crash-ime.
Për të luajtur lojrat e vjetra në disk duhet së pari të kesh konsolen me një vend për këtë disk. Me përjashtim të ndonjë loje që do të ketë nevojë për përditësim, pjesa më e madhe do funksionojë; fut diskun dhe luaj.
Për versionin PS5 Digital Edition do të nevojitet që t’i shkarkosh. Lojrat e tua PS4 do të vazhdojnë të ekzistojnë tek libraria e PS5, mjafton t’i ruash diku. Dhe ndryshe nga lojrat e PS5 të cilat duhen instaluar në SSD e konsoles, të vjetrat mund të ruhen edhe në një drive të jashtëm e të luhen direkt që aty.
Për të pasur edhe progresin e lojës mjafton të kalohen “saves” nga njëri aparat në tjetrin me anë të një drive USB.
