Falë statistikave të reja të shpërndara nga zhvilluesi i The Witcher, CD Projekt Red, ne arrijmë të kuptojmë më mirë suksesin e madh të këtyre lojrave. Studio zbuloi ditën e hënë se ka shitur mbi 75 milionë kopje të lojrave The Witcher, nga ku The Witcher 3: Wild Hunt është më e suksesshmja nga të gjitha pasi janë shitur mbi 50 milionë kopje.
Këto shifra e vendosin këtë seri lojrash në një nivel mjaft të lartë të krahasueshëm me hitet e ndryshme si Red Dead Redemption 2 apo Mario Kart 8 Deluxe, të cilat kanë shitur rreth 53 milionë kopje secila dhe janë tashmë midis lojrave me performancën më të mirë në histori.
— CD PROJEKT IR (@CDPROJEKTRED_IR) May 29, 2023
Numri i shitjeve të The Witcher 3 pritet të rriten akoma dhe më tepër gjatë viteve në vijim. CDPR sapo prezantoi një update të gjeneratës së re për The Witcher 3 në dhjetor, dhe po punon për të krijuar disa video lojra të reja në këtë seri, duke përfshirë këtu dhe një remake të lojës origjinale, një trilogji të re, si dhe një projekt të ri me emrin e koduar “Project Sirius”.
Mbetet vetëm të shpresojmë që këto lojra të mos kenë fatin e Cyberpunk 2077, dhe pse CDPR ka punuar fort përmes përmirësimeve të reja për ta bërë lojën sa më të qendrueshme. Ne do të dëgjojmë akoma dhe më tepër rreth Cyberpunk 2077 së shpejti, pasi në update-in Phantom Liberty do të jetë i pranishëm Idris Elba.
