Sony ka filluar të planifikojë gjeneratën e ardhshme të konsolave, dhe pse nuk ka kaluar ende një vit nga prezantimi i PS5 Pro. Sipas kanalit “Moore’s Law Is Dead”, bazuar në dokumente të vjetra të AMD-së dhe informacion më të ri, PlayStation 6 (me emrin e koduar “Orion”) dhe një pajisje portative (me emrin e koduar koduar “Canis”) mund të prezantohen nga mesi i vitit 2027 deri fillim 2028.
PS6 do të përdorë çip AMD me 8 bërthama Zen 6 (ose më të reja), 40-48 njësi kompjutuese RDNA 5 @ 3GHz, memorie GDDR7. Konsola e re do të jetë e pajtueshme me lojërat e PS4 dhe PS5. Konsumi i energjisë synohet rreth 160W, duke ofruar performancë të mjaftueshme për 4K120 me ray tracing aktiv.
Canis, pajisja portative, do të ketë 4 bërthama Zen 6c, 12-20 njësi llogaritwse RDNA 5 @ 1.6-2GHz, memorie LPDDR5X, ekran me prekje, USB-C me video-out dhe pajtueshmëri me lojërat e PS4/PS5. Me konsum rreth 15W, mund të jetë edhe më e vogël se Nintendo Switch dhe me çmim të ngjashëm me Switch 2.
Fokus kryesor për Sony-n duket të jetë mbajtja e çmimit të arsyeshëm, duke sakrifikuar pak performancë. Kjo nënkupton që kalimi nga PS5 Pro te PS6 nuk do të jetë aq i madh sa nga PS5 në PS5 Pro. PS6 pritet të kushtojë afërsisht sa PS5 aktualisht ($400-$600), ndërsa Canis mund të jetë edhe më e lirë.
Në vend që të ndjekë rritje ekstreme të performancës, Sony duket se po synon të ofrojë një ekuilibër mes fuqisë dhe çmimit, duke ofruar funksione të reja si AI për përmirësim grafik dhe opsione të kursimit të energjisë. Kjo gjeneratë e re mund të jetë më shumë një “përditësim” i mesëm sesa një revolucion i plotë, por çmimi më i ulët mund ta bëjë shumë tërheqëse për lojtarët.
