Debatit tonë të përhershëm Fifa vs PES i ka ardhur fundi, pasi kjo e fundit ka ndërruar emër.
Kjo gjë u morr vesh përmes publikimit të trailer-it të ri, të cilin mund ta ndiqni më poshtë. Emri i ri i rivalit të Fifa do të jetë eFootball dhe do të lançohet gjatë vjeshtës së këtij viti në PlayStation, Xbox, PC, dhe më pas do të vijë një version për mobile.
“Me një game engine tërësisht të evoluar, eFootball premton ofrimin e një eksperience loje si kurrë më parë, me lojëtarë si Andres Iniesta dhe Gerard Pique të cilët kanë ndihmuar në rimodelimin e lëvizjes së lojtarëve dhe kanë shpërndarë eksperiencat e tyre në lojën reale.” tregojnë zhvilluesit e lojës.
Seitaro Kimura, producenti i serive të eFootball tha se detajet specifike të lojës do të prezantohen muajin e ardhshëm, Ai tha: “Me fuqinë që gjeneratat e reja të konsolave ofrojnë dhe bashkëpunimin me futbollistët elitar, eFootball ofron gameplay-in me realist nga të gjithë versionet e mëparshme.”
Kjo lojë do të ofrohet falas, por jo gjithçka do të përfshihet në të. Ju mund të luani lojëra në konsola me ekipet FC Barcelona, Juventus, FC Bayern Munich, Manchester United dhe disa ekipe të tjera në versionin pa pagesë lojës. “Në të ardhmen, disa modalitete lojërash do të shiten veçmas si një pjesë opsionale, duke i dhënë njerëzve lirinë e ndërtimit të një eksperience që i përshtatet interesave të tyre.” mësohet të jetë thënë nga zëdhënësit e kompanisë.
