Numri i personave të abonuar në PlayStation Plus ka rënë me 2 milionë përgjatë vitit të fundit, pavarësisht përmirësimeve të mëdha të Sony gjatë verës dhe lançimit të kategorive të reja të abonimit.
PlayStation Plus kishte 45.4 milionë të abonuar në 30 shtator të këtij viti në krahasim me 47.2 milionë në të njejtën periudhë të vitit 2021. Sony rifreskoi shërbimin PlayStation Plus në qershor, duke e ndarë shërbimin në 3 kategori të ndryshme dhe lançoi një katalog lojrash për personat që dëshironin të paguanin më tepër.
Sony nuk tregon se cila është shifra e personave të abonuar në planin më të shtrenjtë, megjithatë ka shfaqur se fitimet nga abonimet janë rritur me 10%.
Megjithatë ky është 3 mujori i tretë që Sony përballet me një ulje të personave të abonuar në PlayStation Plus. Përmes detajeve të tjera të publikuara në raportin financiar mësojmë se deri më tani Sony ka shitur 25 milionë konsola PS5 në të gjithë botën.
Vetëm gjatë 3 muajve të fundit u shitën mbi 3 milionë konsola. Një tjetër shifër në rënie është dhe ajo e lojrave të shitura. Në këtë periudhë viti janë regjistruar 62.5 milionë lojra të shitura për PS4 dhe PS5 (13.9 milionë më pak se vitin e kaluar).
