PS5 dhe Xbox Series X po sjellin goxha për gjeneratën e ardhshme të videolojrave konsole me arkitekturën më të fundit GPU dhe CPU të AMD. Series X ka 2 teraflops më shumë sesa PS5 por kjo e fundit do të sjellë një SSD NVMe e cila është dyfish më e shpejtë se e para, 3D audio dhe një kontroller me vibrime të reja.
Pavarsisht gjithë të mësipërmeve asgjë nuk e justifikon çmimin prej €974.79 i cili i përkonte një PS5 Digital Edition me 2TB memorie. Artikulli u pa i listuar tek Otto.de një shitës online goxha i madh në Gjermani.
Me shumë mundësi kemi të bëjmë me ndonjë test marketingu ose lëvizje e radhës në luftën midis Sony dhe Microsoft. Teksa asnjëra prej kompanive ende nuk ka deklaruar çmimet e konsoleve të veta.
Një PS5 Digital Edition me hapësirë 1TB (825GB) pritet të kushtojë diku midis $400 dhe $450 duke qenë se do të mungojë foleja për disqet Blu-Ray.
Një version me dyfish hapësirë ende nuk është përfolur nga vetë kompania, por sidoqoftë vetëm pak GB më shumë nuk munden kurrsesi ta justifikojnë dyfishimin e çmimit.
PS5 parashikohet të vijë në nëntor, deri atëherë do të kemi plot hamendësime e rrjedhje informacioni.
