Ndryshime të mëdha do të vijnë në Warzone 2 përgjatë 2 muajve në vijim. Pas disa javësh ankesa që vinin nga komuniteti i Call of Duty, ekipi i zhvilluesve të Warzone ka vendosur të tërheqë mbrapsht një ndër ndryshimet më irrituese për fansat.
Në Warzone origjinal, lojtarët që vriteshin gjatë një gare fitonin një tjetër shanc për t’u përfshirë në lojë nëpërmjet Gulag. Gulag është një sfidë 1 kundër 1 ku fituesi rikthehet në lojë, ndërkohë që humbësi kthehet pas në menunë kryesore. Ky shërbim ishte bazuar në modalitetin Gunfight 2 kundër 2 të prezantuar në Modern Warfare 2019.
Në Warzone 2, Gulag 1 kundër 1 u shndërrua në 2 kundër 2. Lojtarët grupohen në mënyrë rastësore dhe duhet të mposhtnin kundërshtarët e tyre. Mirëpo në vend që të kapin flamurin për të fituar, lojtarët duhet të mposhtnin kundërshtarët e tyre së bashku me karakterin e kontrolluar nga kompjuteri super të fuqishëm Jailer, që shfaqej në fund të dyluftimit. Nëse njëri nga ekipet nuk fiton, ndeshja mbyllet dhe asnjëri nga këto lojtarë nuk rikthehet në lojë. Në të kundërt, të 4 lojtarët duhet të bashkëpunonin për të mposhtur Jailer dhe të riktheheshin të 4-t në lojë.
Në teori ky është një sistem mjaft tërheqës, mirëpo në realitet është tepër irrituese dhe jo aq argëtuese sa Gulag origjinal.
1v1’s are back in Battle Royale.
Gulag updates are coming in Season 02. We’ll be sharing more details about this in next week’s studio blog.@RavenSoftware
— Infinity Ward (@InfinityWard) January 19, 2023
Për fat të mirë Infinity Ward dhe Raven Software i kanë dëgjuar ankesat e përdoruesve dhe do të rikthejnë Gulag 1 kundër 1 në sezonin e 2-të, që do të vijë në 15 shkurt.
