Na u desh te prisnim dekada per të parë premierën e Cyberpunk 2077, një lojë fantastike në koncept në pamje dhe në dinamikë. Loja doli vetëm pak kohë më parë dhe le të themi që fillimi nuk ka qenë më i miri i mundshëm. CD Projekt RED është përballur me shumë pakënaqësi nga përdoruesit të cilët kanë raportuar shumë probleme, bugs, e bllokime.
Nëse konsolja apo PC jot është më i vjetër se 2013, është një ferr i vërtetë të luash Cyberpunk 2077, nëse aparati është i gjeneratës së re loja performon mirë. CDPR e ka pranuar se ndoshta nuk ishin aq të përgatitur sa duhet për të dalë në treg si duhet, kujtojmë edhe shtyrjen e përsëritur të ndonjë muaji më parë.
Duke njohur problemet e hasura nga fansat, CDPR i ka sugjeruar të gjthëve që kanë probleme të kërkojnë rimbursim. Por kanalet e blerjes së lojës janë të shumta dhe një vend ku sharra ka hasur në gozhdë është kopja digjitale. Një përdorues kërkoi rimbursim nga Sony pasi e kishte blerë lojën në PlayStation Store, por kompania ka refuzuar të kthejë paratë prapa.
Sony won’t refund my Cyberpunk 2077 order, even after the game’s developer said buyers experiencing problems could get refunds. The game literally crashes my PS4 and is unplayable. Sony’s answer? Wait for the updates. pic.twitter.com/Zx2LSRhqqN
— Steve Kovach (@stevekovach) December 16, 2020
Problemi ka të bëjë me faktin se CDPR nuk e ka një politikë rimburismi me Sony apo Microsoft, ndaj nëse ke blerënjë kopje digjitale të lojës nuk do të kesh kthim parash mbrapa do të të duhet të presësh përditësimet. Qëndrimi i kompanive të PlayStation dhe Xbox është i qartë, CD Projekt RED nga ana tjetër jo. Situata i ka kapur pa përgatitur, gjithë ato ethe për një lojë të shumë pritur mundet të shkojnë edhe kot.
