Qyteti Italian i Milanos është gati të mirëpresë një ndër eventet më të rëndësishme nacionale që i dedikohen botës së videolojërave, Milan Games Week 2021. Ky event do të rikthehet në skenë në datat 12-14 nëntor, data të cilat shënojnë dhe rikthimin e prezencës së publikut.
Përgjatë 3 ditëve publiku do të ketë mundësinë të vizitojë Intel Esports Show, i cili do të hapë dyert e arenës së tij për publikun e përgjithshëm. Në këtë event do të përforcohet gjithashtu dhe sektori i librave komikë dhe unionit të lojërave përmes Cartoomics.
Në datën 12 nëntor beteja midis ekipeve Mkers dhe Macko Esports do të iluminojë audiencën milaneze, të cilët do të luftojnë për të fituar titullin e sesionit të dimrit në PG Six Nationals 2021.
Pronti per la finale dell’#ItalianRocketChampionship?@nofeargamingit @Reply_Totem @HGEsportsASD e @Cyber_Esport vi aspettano il 14/11 alla Milan Games Week o su Twitch, dalle 10:30➡️https://t.co/fhMxxuH1OY#rocketleague @vigorsolitalia #keepitfresh #freshstylerumble #vigorsol pic.twitter.com/QQdX5Zexnl
— Italian Rocket Championship (@IRC_RL) November 10, 2021
Të dielën në datën 14 nëntor do të jetë rradha e Rocket League për të argëtuar ndjekësit, dhe ky do të jetë Sezoni i 7-të i Italian Rocket Championship. Padyshim beteja mes 4 ekipeve NoFear Gaming, HG Esports, Reply Totem dhe CyberGround Gaming do të jetë mjaft e ndezur dhe është shumë e vështirë për të bërë parashikime.
Në këtë event do të ketë vend dhe për disa kompeticione më të vogla si ato të League of Legends dhe Valorant. Tormenta Circuit dhe Agent’s Range do të jenë në qendër të vëmendjes së fansave në datat 12 dhe 13 nëntor respektivisht.
Nga ana tjetër do të ketë dhe konkurse midis Gillette Bomber Cup: Bomber vs King Edition nga Fortnite dhe McDelivery GGang nga Machete Gaming.
Në datën 12 nëntor do të mbahet finalja e madhe e turneut të Inter Esports Cup.
