PlayStation 5 është produkti më i diskutuar këtë vit në botën e gaming për të cilin dijmë vetëm se do të dalë në treg në fund të këtij viti së bashku me Xbox Series X. Të dy produktet do të ndajnë shumë karakteristika të njëjta si dhe një çmim të përafërt.
Por deklarata e Phil Spencer, shefit të Xbox, duket se nuk sheh më Sony dhe Nintendo si rival kryesor. Këtë rol tani e ka marrë Amazon dhe Google, dy lojtarë të fortë në cloud gaming. Stadia është tashmë në lojë ndërsa Amazon do të prezantojë një shërbim të ngjashëm këtë vjeshtë.
Nga ana tjetër, Microsoft po finalizon shërbimin e ri të cloud gaming i cili do të quhet xCloud dhe që pritet të lançohet gjatë 2020.
Në deklaratën e tij, Spencer shprehet se ka respekt të madh për Sony dhe Nintendo me të cilët prej vitesh ka ndarë një betejë të fortë e cila tani po drejtohet drejt shërbimit coud dhe që sigurisht rivalët janë të rinj.
