Zemra na qan të gjithëve për një GTA 6, dhe me daljen e një gjenerate të të konsoleve duket krejt e logjikshme që edhe Rockstar të ketë lajme për të na dhënë.
Kompania ka reaguar në lidhje me PS5 por mbetet tek GTA V. Të gjithë lojtarët e PS4 dhe PS5 do të marrin shërbime dhe opsione falas në Grand Theft Auto 5 dhe Online.
Një loja legjendare e cila me ardhjen në PS5 do të jetë në 3 gjenerata konsolesh njëkohësisht. Të gjithë abonentët Playstation Plus në PS4 do të marrin $1 milion GTA$ çdo muaj, derisa GTA online dhe GTA 5 të kapin PS5 në në 2021. Gjithçka do të duhet të bëjnë është të luajnë të paktën 1 herë në muaj.
Lojtarët e PS5 nga ana tjetër do të marrin një version të pavarur GTA online falas. Pra nuk do të duhet të blejnë versionin e plotë për të luajtur online.
Megjithatë duhet që të kenë abonim PlayStation Plus dhe oferta do të jetë vetëm për 3 muajt e parë.
Kaq, asgjë akoma për GTA 6 e cila sipas raporteve është akoma vite larg.
GTA 5 mbetet i vetmi titull nga Rockstar për PS5, por pritet që edhe Red Dead Redemption 2 dhe Red Dead Online të pasojnë.
