“Ha Njerzit, Shpëto Botën” me këtë shprehje e cila në 2020 nuk na bën aspak përshtypje, mbyllet traileri i lançimit të një loje nga më të paparat këto vitet e fundit.
Maneater që do të thotë ngrënësi-i-njerzve, është një lojë open world me protagonist një peshkaqen gjigand i cili është i lirë të bëjë ç’të dojë. Ngjashëm me stilin klasik të lëvizjes së lirë të GTA, në këtë lojë inkurajohen side quest-et dhe sa më shumë dëm të shkaktosh aq më shumë rritet niveli jot.
Historia e lojës flet për protagonistin tonë nëna e të cilit u vra nga një gjahtar peshkaqenësh. Gjahtari me të hapur barkun e nënës nxjerr peshkaqenin tonë e shenjon dhe e hedh në det për ta gjuajtur më vonë.
Qëllimi i peshkaqenit tonë në këtë rast është hakmarrja. Loja ndjek progresin e tij nga këlysh, adoleshent, adult derisa plaket. Trupi i tij do të transformohet në përmasa dhe në fuqi, me efekte speciale si nofullat elektrike etj.
Maneater, një lojë jo e këshillueshme për ata me zemër të dobët, pavarsisht se jo ndonjë mrekulli në rezolucion, nga ana tjetër mekanika, skenari dhe koncepti na kthejnë pas në kohë kur lojrat nuk ishin kaq të shtresëzuara e komplekse sa sot.
Thelbi i kësaj loje është qejfi, zbavitja, misionet anësore këshillohen pafund, ashtu si në GTA mund të kalosh orë të tëra duke shkaktuar kaos e trazira.
E disponueshme për PS4, Xbox One dhe Windows loja gjendet në Epic Games Store.
Versioni për Nintendo Switch pritet të dalë në fund të këtij viti.
