Menaxheri i përgjithshëm i lojrave Diablo në Activision Blizzard, Rod Fergusson zbuloi se në lojën më të re Diablo IV gamers kanë luajtur mbi 350 milionë orë përgjatë 2 javëve të para.
Sigurisht që platforma kryesore e përdorur nga këto gamers ka qenë PC, por kompania tregoi se dhe në konsolat e tjera ka patur rritje, sidomos në Xbox.
Kur u pyet në lidhje me statusin e marrëveshjes midis Microsoft dhe Activision Blizzard, Rod Fergusson vendosi të mos përgjigjej, por tha vetëm se kjo marrëveshje do të përmirësonte konkurencën në treg.
Gjatë gjithë kohës fansat janë të etur për lojra të reja, sidomos lojrat e reja Diablo, megjithatë Fergusson tregoi se një gjë e tillë nuk ishte në planin afatshkurtër të kompanisë.
Suksesi i kësaj loje duket të jetë mjaft i madh, pasi vetëm në 5 ditët e para të publikimit loja arriti të regjistronte $666 milionë fitime nga shitjet.
Më poshtë do të shfaqim disa nga statistikat brenda lojës të grumbulluara nga java e parë e Diablo IV:
- 276 miliardë monstra të vrarë
- 317 milionë vrasje e personazheve kryesor
- 8 milionë vdekje të shkakturara nga The Butcher
- 430,000 gamers të vrarë në ndeshjet PvP
Ekziston dhe gara Hardcore, e cila fton gamers të luajnë deri në nivelin 100 pa vdekur asnjëherë për t’u shndërruar në “të pavdekshëm“.
